لو صوتي خرج مكلكع يدخل في ودانهم نغمة عود ـ فايكنج ترند ـ

[ad_1]

أصدر الشاعر ” عبد الله محمد ” ديوانه الثاني ” ريش” عن دار نبض القمة للنشر والتوزيع ويشار هذا الديوان ضمن الإصدارات الحديثة في معرض القاهرة الدولي للكتاب 2024.

وحول الديوان قال ” عبد الله ” للميزان أنه حاول كتب الديوان دون تقسيم محدد، بمعنى أن كل القصائد جاءت مرتبه بعضها وراء بع دون فواصل أو أبواب .

وأضاف ” عبد الله  محمد ” أن  التقسيم من وجهة نظره لا بد أن يكون لضرورة فنية، وديوان ” ريش” لم يكن بحاجة إلى تقسيم أو فواصل، إذ يوجد على طول الديوان خيط يربط كل النصوص ببعض مع اختلاف موضوعاتهم، واستكمل ديوان ريش لم أحبذ تقسيمه عكس ديواني الأول التي قسمت تقسيمًا فنيًا إذ كان بحاجة لهذا.

من هو عبد الله محمد 

عبد الله محمد ألماظ، شاعر مصري، نشأ ويُقيم في قرية بطره مركز طلخا التابع محافظة الدقهلية، حصل حاصل على جائزة الدولة التشجيعية، وهو أصغر شاعر حصل على هذه الجائزة منذ نشأتها، حيث فاز بها في عمر الـ 22.

ـ حصل على درجة البكالريوس الخدمة الاجتماعية من المعهد العالي للخدمة الاجتماعية بالمنصورة.

ـ صدر له ديوان “يَكّ” في معرض القاهرة الدولي للكتاب 2022 عن دار فهرس للنشر والتوزيع، وهذا الديوان هو أول مؤلفاته، وهو الديوان الحاصل على جائزة الدولة التشجيعية

ـ فاز في مسابقة إبداع الجامعات على مستوى الجمهورية في دورتها التاسعة عام 2021 في دورة الراحل “صلاح جاهين”

ـ فاز في مسابقة إبداع الجامعات على مستوى الجمهورية في دورتها الحادية عشر عام 2023 في دورة الراحل “حافظ ابراهيم”.

ـ حاصل على المركز الأول على مستوى جامعة الدلتا في خمس سنوات متتالية 2019، 2020، 2021، 2022، 2023

ـ فاز بمسابقة معاهد الجامعات الخاصة عام 2021 ، التي كانت تنظمها وزارة التعليم العالي، وتكرر هذا الإنجاز مرة أخرى عام 2023.

_ديوانه الثاني بعنوان “ريش” يصدر عن دار نبض القمة للنشر والتوزيع بمعرض القاهرة الدولي للكتاب 2024.

مقاطع مختلفة من ديوان ريش 

مقطع (1)

أنا مش جاي هنا برِجلي..
أنا اتورَّطت
دخلت في دايرة مقفولة
وفاكر إني ماشي في خطّ
أنا مش أعمى صدَّقني
ياريتني اخترت اكون أعمى، يا ريتني اخترت
إيماني بنفسي خلّاني ساعات مغرور
وبسأل نفسي إيه الفَرق
ما بين الشمس وعينيّا
ما برضو الدنيا بتضلم إذا غمَّضت

مقطع (2) 

بينام قلقان وكأن سريرُه هيغدُر بيه
خايف م الناس، خايف م الكلب اللي مربّيه
ولا عُمرُه بيمسح طين الجزمة في سِلِّم حد
عايش وكأنه معاه كارت اصفر طول الوقت
واقف على غلطة وياخُد طرد
وبيمشي حريص علشان كل اللي بيمشو بسرعة..
هما اللي اخترعو العربيات
عملو الأسفلت وعملو حدود
واختلّ توازن شكل الأرض

مقطع (3)

بتحرَّكُه المزيكا وتخليه يطير
بس الكلام بيتقِّلُه، يرجع يموت
وبيلعب الشطرنج مش علشان ذكي
لكن عشان فرصة عظيمة للسكوت
ساكِت لأن الشمعة بتقيد لو يِداري
ساكِت عشان مش حِمل غلطات في البُخاري
”ثِبِّت صنم“ كات لعبة والناس صدَّقتها
الناس عاشتها
عصافير كتير هي اللي حبست نفسها
كانت هتفضل طايرة لولا فضحها صوتها

مقطع (4)

العالم بعدِك مش معدول، العالم محني
طب عارفة يا حلوة عشان ارتاح و النوم يلمحني..
أنا بعمل زيِّك قبل ما انام
وبَرُشّ الدنيا عطور وبطفّي النور وساعات..
لو تيجي في حلمي بلاقي الجنب اللي يريّحني

إقرأ أيضا

قوات جيش الاحتلال تحرق القدس في انتهاكات صارخة للقوانين الدولية

مقطع(5)

لما كنت أنا والعيال واقفين ننادي
الجميع سقَّفلي جدًا رغم إني
ببقى قصدي عليكي وقت نشيد بلادي

مقطع (6) 

الليل بقى بيجيني لوحدي
يلاقيني مكسور العين
كان هنا صاحب شايلُه معايا
واهو سابني مقسوم نُصين
وانا.. سِتّاشر سنة تعليم
مااتعلمتش غير حاجتين
الألِف اللي تشيل الهمزة
وقانون القِسمة على اتنين

مقطع (7)
حبيبتي إيديكي في كِتفي
بدايل لكل اللي ضاع
حبيبتي إيديكي في شَعري
موسيقى ولحن وإيقاع
حبيبتي إيديكي بريئة
في عالم أيادي دنيئة
بتطفيلي نور الحقيقة
وترميني وسط الضياع
إيديهم بتقفل عيوني
تِخلّي الطريق مش ظاهرلي
مشيت والجميع بيشاورلي
إشارة هجوم مش وداع

مقطع (8)
بيغني حل و تقول دا جواه ”آندي ويليام“
وبيبكي زي الأم لما يضيع ضناها
علّمني اعيش بإيماني دايما جوا قلبي
مهما تاخدني الدنيا أو أطلب رضاها
أعرف بشر ماشيه قُصاد الناس بريئة
لكنها في السر عايشه مدوراها
واعرف بشر مع ربنا ليهم طريقة
بتصلّي حتى ان كانت القِبلة وراها

مقطع (9) 
أنا مش هتكلم غير في وجود..
ناس ما بتعرفش تقول ”مفروض“
لو صوتي خرج مني مكلكع
يُدخل في ودانهم نغمة عود
ويقولو كلامك فوق الراس
علشان من حرب طِلع مهدود
يتمسّكو بيّا كأني خلاص
أنا اخر واحد في العنقود

اقرأ أيضًا : أبعاد جديدة لعساكر لعساكر لعبة .. ديوان جديد ضمن ثلاثية الحرب والسلام لمحمد فرغلي 

  • عبد الله محمد عن ” ريش”: لو صوتي خرج مكلكع يدخل في ودانهم نغمة عود مي محمد المرسي

    مي محمد المرسي صحافية مهتمة بالتحقيقات الإنسانية، عملت بالعديد من المؤسسات الصحافية، من بينهم المصري اليوم، وإعلام دوت أورج ، وموقع المواطن ، وجريدة بلدنا اليوم ، وغيرهم .

    كاتب ذهبي له اكثر من 500+ مقال

[ad_2]

المصدر