تامر حسني يوجه رسالة لـ خالد الصاوي: «زعلك عندي بالدنيا» (صورة)


أثار الفنان خالد الصاوي، حالة من الجدل عبر منصات التواصل الاجتماعي خلال الساعات القليلة الماضية، وذلك بعد توجيهه عبارات عتاب لبعض النجوم، مشيرا إلى أنهم أصدقاء في العمل فقط، وأنهم لا يتواصلون معه خارج العمل.

وفي هذا السياق، اعتذر تامر حسني لـ خالد الصاوي عبر حسابه الرسمي بموقع تداول الصور والفيديوهات «إنستجرام»، قائلا: «يا عم خالد إنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج».

تامر حسني

وأضاف تامر حسني: «يا ريتك قولتلي إنك زعلان على تليفوني من سنتين كنت جيت لحد عندك صالحتك والله معرفش إنك زعلان.. وبالمناسبة أنا اللي زعلان عشان كان نفسي تبقى معايا وإنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك».

خالد الصاوي عن غياب تامر حسني عن حياته

وكان خالد الصاوي، كشف خلال لقاء تلفزيوني له، قائلا: «مش واخد على خاطري من أي ممثل أو من أي نجم وعلاقتنا على قد الأفعال وردود الأفعال وخلاص، وهذا الكلام بالنسبة لتامر حسني أو كريم عبد العزيز أو أحمد السقا توقعت أن صداقتنا هتكون أكبر من كده ولكن علاقتنا هتبقى محددة، إحنا صحاب أوي في الشغل وبره الشغل براءة، وتامر حسني في مرة مستحملش تأخيري وزعلت».

اقرأ أيضاًتامر حسني يروج لأحدث أعماله الفنية برفقة كارولين عزمي

«عايزين نولع الدنيا».. مسرح بنش مارك يشوق الجمهور لـ حفل تامر حسني بالسعودية

تامر حسني يشوق الجمهور لـ فيلم «ري ستارت» بهذه الطريقة (صورة)



المصدر