أحمد صيام يتحدث عن تفاصيل رحلته مع السرطان: كنت خايف ورفضت تلقي العلاج


أحمد صيام عن سبب إصابته بالسرطان: كنت بدخن سجائر بشراهة

كشف الفنان أحمد صيام عن سبب إصابته بسرطان الرئة منذ ما يقرب من 17 عام، كما كشف عن كواليس رحلة مواجهته لهذا المرض الخبيث.

وقال «أحمد» خلال لقائه ببرنامج «الستات مايعرفوش يكدبوا» الذي يقدمه كل من الإعلاميتين مفيدة شيحة وسهير جودة: ««كنت بدخن 6 علب سجائر في اليوم ومستحيل تشوفيني من غير سيجارة.. أول ما أصحى لغاية ما أفطر بشرب 6 أو 7 سجاير.. وفي لحظة صحيت من النوم حسيت الدنيا مهزوزة وقتها قلت إيه اللي أنا فيه ده».

وتابع حديثه قائلا: «الوقت ده خفت وقررت ماشربش سجاير ودخلت المكتب ورميت السجاير اللي عندي وقلت مش هشرب تاني، وبعدها بيومين روحت للدكتور أكشف وبعد ما عمل التحاليل والأشعة فجأة لقيته بيقولي فيه سرطان في الرئة».

أحمد صيام

أحمد صيام: رفضت تلقي العلاج لهذا السبب

وعن شعوره عندما علم بإصابته بالسرطان قال الفنان أحمد صيام: «حسيت إني مضغوط وهقع.. وعيالي وقتها كانوا صغيرين أطفال.. وبعد شوية قلت لنفسي إيه المشكلة أخاف من الموت علشان إيه».

وأشار «أحمد» إلى أنه رفض تلقي العلاج في البداية قائلا: «مرات أخويا دكتورة قالت لي لازم ناخد عينة ونحلل ونمشي في طريق العلاج.. قلت لها لا هنحلل ولا هنعمل ومتجبيش سيرة لحد وهنسيب الجثة مقفولة لغاية لما نسلمها لأصحابها».

أحمد صيام

أحمد صيام يكشف كواليس دخوله غرفة العمليات: كنت بضحك

وعن التشخيص الطبي وكواليس رحلة التعافي من مرض السرطان أوضح أنه أجرى عملية جراحية لـ استئصال إحدى فصوص الرئة اليمنى للتخلص من الورم ليبدأ بعدها العلاج الكيماوي معلقا: «ذهبت للدكتور وقال لي الورم على فص من الفصوص الثلاثة اللي في الرئة اليمين واحنا هندخل نشيل الفص ده كله».

وأضاف أحمد صيام: «عملت الجراحة وأنا داخل العمليات كنت بضحك وكل اللي حواليا قلقانين وأخدت كيماوي بعد الجراحة و3 جرعات وقائية وكل 6 شهور بعمل فحوصات من 2007 لحد دلوقتي».

اقرأ أيضاًبعد انتشار الفيديو الفاضح.. البلوجر هدير عبد الرازق ترد لأول مرة (فيديو)

وصفها بأنها «نعمة من نعم الدنيا».. سر محبة شيخ الأزهر مصطفى عبد الرزاق لـ أم كلثوم



المصدر